تركـي الوبيري
07-28-2007, 02:56 PM
مجلس شيوخ
مهو مجلس شيوخ اللي انتوا تعودتوا عليه...ولا شيوخ وجاهه....هذا المجلس مجلس شيوخ الدجة...والتفليت...يعني ارذل العمر...الله يطول باعماركم جميع:041:
طبعاً المجلس يعقد كل يوم عندنا...بالبيت...والفضل يعود بعد الله لابوي عسى عمره طويل....متقاعد..وصار يطفش لحاله...لذلك قرر انه يعزم الشيبان اللي حولنا :039:
من جيران واقارب كل يوم العصر الين يأذن المغرب...مواضيع المجلس متنوعه..من الدين الى السياسة الى غلاء الاسعار...واحيانا يصير الضرب تحت الحزام :w6w200504112320546a
يبدون يناغزون بينهم...واحيانا (تحت السرة) وما ادراكم ما تحت السرة خصوصا لمى يكون المتحدث شخص صاحب خبرة طويلة...ممتع هالموضوع للشباب :075:
بالعادة...يحضر هالمجلس جارنا...شايب طاق الثمانين عسى عمره طويل...هالولد ...اقصد الشايب...ضحوك وشاعر ومرح الى ابعد حد:)
يجي بعده ...ابو عبد الله ...شايب ولا احلى...لكن لا يخلو من خباثة الشيبان...اذا وضعك مهو اوكي...يجيك منه محش عالمي يلصق بك للدفنه :05111:
طبعا ابو عبد الله لانه شايب رضي..ما يصبر الين يقوم الحرب بين ابو حامد...وابو فيصل...يشعللها بينهم من تحت لتحت...واللي ما يشتري يتفرج :051:
ابو فيصل....الملقب بمناحي...ولانه يناحي ...اي يكايد...يدور فينات الحظ....اكثر واحد يعارض للمعارضه...وعنده نفس للجدال مش معقول ...الله لا يضره :018:
اذكر باحد الايام ...جاء الخال...ابو سلامه...هذا خالهم جميع ..لانهم اولاد خالات....طبعا هالشايب ..كان في ريعان شبابه لمى كان الملك عبد العزيز يحاول يوحد المملكه...يتميز هالشايب..بقوة الشخصية...يعني ...مع ان المجلس مليان شيبان..الا ان المجلس كلهم ينكتمون لمى يجي...المصيبة ان هالشايب مفوت :tt:
يعني مخرف...ما علينا....جاء ابو سلامه...وقام الكل بوجهه ...وبعد ما قمت بواجب الضيافه له...صح نسيت اعرفكم على نفسي..انا حمد ...جرسون هالمجلس :038:
الحضور اجباري.....ولا انام بالشارع. :58:
..ديموقراطيه ولا احلى....قمنا بواجب الضيافه
وابتدى النقاش..اولا تعقيب على خبر ورد في الجزيرة...همن ربط الخبر وانعكاساته على ارتفاع الاسعار لدينا...همن حماية المستهلك...وبعدين الاسهم...والنفط
الين وصل الحتسي ....للسفن...حينها قال ابو سلامه...ايييييييييييييييييييييه.....اييييييييييييي ييييييه
التفت الجميع لابو سلامه...طبعا ولا نفس...وخابرينه....ما يحب احد يقاطعه
اييييييه .....ايييييييه
- خير يا بو سلامه...وش طرى لك .....عسى خير
ايييييييييه....هكا السنة....سنة يوم انكم ورعان...تنغفون بخشومكم :035:
طبعا...لفتات استنكار من الكل.....اف بس لو منت خالنا.... وعلى مضض قال حديهم: ايه يا بو سلامه...وش صار :072:
واحد من ربوعنا...كان يشتغل بشركة امريكيه...وكانت عندها سفن...الرجال كان يشتغل بها السفينه...قعد فتره حول اربع سنين...وباحد السفرات...جو على منطفة بالبحر اول مره يمرون عليها...جتهم عاصفه ...او مدري وش جرى عليهم..ما ني موكد وش صار...الزبدة ان السفينه غرقت..ونجى من الغرق بقارب صغير حول الست رجال...قطعوا هالبحر ...بها القارب...ما مر عليهم احد..لا سفينة ولا غيره...قعدوا فتره يمكن اربعة ايام ولا معهم مونه كثيرة...باحد الايام يوم قعدوا الصبح...ولا بس مكان خويٍ لهم...ما يندرى وين راح....والليلة اللي بعده مثل ها الكلام ...الين ما صفت على واحد...ها الواحد هو رفيقنا.
كان معه سكين...وقال لو انا نمت عز الله اني هفيت...راح وجرح نفسه جرح بيده...وخلى يده على طرف القارب يوم حس انه بينام...عشان اذا ارتخت يده من نومه...تنزل للبحر...وتلسعه ملوحه البحر.....ذهين المليعين...اهاااااا.
وهو على هالحال كلما غفى يقعد من الجرح....الين شاف الشي الاسود يقرب منه تحت الماء...
جهز سكينه ...وقعد يتابع..الين ما طلعت عليه ...هكا الحيه اللي تذهل القلب...طب الا هي معه بالقارب..مسكها مع راسها..وهي تلتف حوله تبي تعصره...بغت تنقز عيونه من راسه من نشاطها...لكنه طاح فيها ضرب بالسكين...بالعيون... بالراس..الين ما قالت سلام يا عزرائيل...ذبحها المليعين...يوم انه طاحت بالقارب...قام
وشقها نصين..ولا قطع من خوياه...يالله المستعان...وظل على حاله بها البحر الين ما دقر القارب بشيء
صحى من نومه...الا جزيره....مصدق مكذب...اي والله جزيره...نزل...وتمشى ...ولا هالاشجار...وهالانعام
وخيرات ربي ...وطب بالنعمه...وقعد كم يوم على الحال...وبناه له بيت من هالخشب...وسوى مزيرعه صغنوطه
وباحد الايام...مر على مزرعته...ولا محيوسه..الثمار ماكوله...يوم طالع بالاثار...ولا اثار بشر...بشر...فرح
وخنس بنفس الوقت...يا ولد...خاف يطلعون اوقا بوقا...يطبخوني على قدر...عاد يعيرون عيالي ربعنا...ونصير طنازه....اي والله اللي بصير مضرب مثل...وراح يقولون موتة ابو راكان...ما يهبى الا هم...والله ما اخلي ..نويصر يتطنز على عيالي....لازم اراقب الوضع
نام الظهر عشان يصحى متاخر...صحى حول العشا...وتذرى بشجرة يتلفت...ومعه سكينه يراقب الوضع..وقبل
الفجر بشوي...وعينه على البحر...يوم انه شاف شي يخرش اللي ما ينخرش.
ناس طلعوا من البحر...حول العشرة...عرك عيونه يجوز انه سهران ...لا والله ناس طالعين من البحر
تغيب ورى الشجره...ساكت يراقب...جو على المزرعة وقاموا ياكلون...وهو يراقب...ويوم قربت الشمس تطلع..رجعوا للبحر الا واحد تاخر...نواه اخينا..يوم بغى يرجع هالاخير...ومر من عند الشجرة اللي وراها
ابو راكان...وهو يخطفه وبنفس الوقت كتم على نفسه...عشان ما يصيح ويجمع ربعه عليه...لف وجهه يبي يشوفه
ولا هك البنت المزيونه...كنها سميرة توفيق.. :icon8:
(هيالمليعين يها الشايب اثاريك منت هين...راعي سوالف..امممممممممم ما علينا)
لكن فيه زي الغطا على فمها...الظاهر ان هالشي هو اللي يخليها تعيش بالبحر...الزبدة ان ابو راكان اخذ هالبنت سبيه...وربطها عنده بالبيت...وعطاها المقسموم :6_asmilies-com:
هو عارف انه لو تركها بتمشي وتتركه...عشان كذا ربطها...الين ما تجيب منه ولد او بنت...تتعلق فيهم...حصل وجابت منه توأم...وقال لها لو تبين تروحين تسيرين على اهلك الصبح وترجعين لي بالليل ما عندي مشكله..قالت خلاص..وصار بينهم اتفاق...الا ان الحرمة...مثل كل الحريم ما تنعطى وجه..استحلتها ..وصارت كل يوم تروح لاهلها..واحيانا تمرح (تنام عند اهلها)...الرجال صارت ما تخارج عنده..تطقه الحفه احيان..ومهي موجوده..نوى بها نيه..يوم جت من اهلها..قال شوفي يا بنت الناس...انا هالوضع ما ينفع معي..كل يوم رايحه لاهلك...وتاركتني انا والعيال نطير ذبان ...ما يصير
قالت : والله هذا وضعي ...عاجبك والا طلقني... :047:
هو نوى يطلق...بس يا ولد ...سميره توفيق ...حرام والله
لكن تذكر وش كان ناوي عليه...همن قال لا والله انا اللي عندي حل احسن
جرها عليه..وسحب الغطا اللي على فمها..بقوة...الين قطعه..يوم انها صاحت صيحة..بغى ينحاش منها
وبكذا صارت ما تقدر تعيش بالماء...وقامت تصارخ وتبكي الين ما بقى فيها دموع ...وسملت بالامر الواقع
عاشوا فتره مع بعض ...لين مرت سفينه على الجزيرة شالتهم معها...وهذا هو الرجال عايش بالرياض. بحي السويدي..وحرمته وعياله منها...معه
الله اكبر ....الله اكبر
يالله اذن المغرب من رخصتكم
هلا ...هلا والله خالي حياك الله....سير لا تقاطع...طبعا ليتكم تشوفون حواجب الربع
مسويه علامات تعجب:57:
لمن قال ابو فيصل...امممممممممم
هذا خالنا...وهذي قسمة الله لنا :cool:
مهو مجلس شيوخ اللي انتوا تعودتوا عليه...ولا شيوخ وجاهه....هذا المجلس مجلس شيوخ الدجة...والتفليت...يعني ارذل العمر...الله يطول باعماركم جميع:041:
طبعاً المجلس يعقد كل يوم عندنا...بالبيت...والفضل يعود بعد الله لابوي عسى عمره طويل....متقاعد..وصار يطفش لحاله...لذلك قرر انه يعزم الشيبان اللي حولنا :039:
من جيران واقارب كل يوم العصر الين يأذن المغرب...مواضيع المجلس متنوعه..من الدين الى السياسة الى غلاء الاسعار...واحيانا يصير الضرب تحت الحزام :w6w200504112320546a
يبدون يناغزون بينهم...واحيانا (تحت السرة) وما ادراكم ما تحت السرة خصوصا لمى يكون المتحدث شخص صاحب خبرة طويلة...ممتع هالموضوع للشباب :075:
بالعادة...يحضر هالمجلس جارنا...شايب طاق الثمانين عسى عمره طويل...هالولد ...اقصد الشايب...ضحوك وشاعر ومرح الى ابعد حد:)
يجي بعده ...ابو عبد الله ...شايب ولا احلى...لكن لا يخلو من خباثة الشيبان...اذا وضعك مهو اوكي...يجيك منه محش عالمي يلصق بك للدفنه :05111:
طبعا ابو عبد الله لانه شايب رضي..ما يصبر الين يقوم الحرب بين ابو حامد...وابو فيصل...يشعللها بينهم من تحت لتحت...واللي ما يشتري يتفرج :051:
ابو فيصل....الملقب بمناحي...ولانه يناحي ...اي يكايد...يدور فينات الحظ....اكثر واحد يعارض للمعارضه...وعنده نفس للجدال مش معقول ...الله لا يضره :018:
اذكر باحد الايام ...جاء الخال...ابو سلامه...هذا خالهم جميع ..لانهم اولاد خالات....طبعا هالشايب ..كان في ريعان شبابه لمى كان الملك عبد العزيز يحاول يوحد المملكه...يتميز هالشايب..بقوة الشخصية...يعني ...مع ان المجلس مليان شيبان..الا ان المجلس كلهم ينكتمون لمى يجي...المصيبة ان هالشايب مفوت :tt:
يعني مخرف...ما علينا....جاء ابو سلامه...وقام الكل بوجهه ...وبعد ما قمت بواجب الضيافه له...صح نسيت اعرفكم على نفسي..انا حمد ...جرسون هالمجلس :038:
الحضور اجباري.....ولا انام بالشارع. :58:
..ديموقراطيه ولا احلى....قمنا بواجب الضيافه
وابتدى النقاش..اولا تعقيب على خبر ورد في الجزيرة...همن ربط الخبر وانعكاساته على ارتفاع الاسعار لدينا...همن حماية المستهلك...وبعدين الاسهم...والنفط
الين وصل الحتسي ....للسفن...حينها قال ابو سلامه...ايييييييييييييييييييييه.....اييييييييييييي ييييييه
التفت الجميع لابو سلامه...طبعا ولا نفس...وخابرينه....ما يحب احد يقاطعه
اييييييه .....ايييييييه
- خير يا بو سلامه...وش طرى لك .....عسى خير
ايييييييييه....هكا السنة....سنة يوم انكم ورعان...تنغفون بخشومكم :035:
طبعا...لفتات استنكار من الكل.....اف بس لو منت خالنا.... وعلى مضض قال حديهم: ايه يا بو سلامه...وش صار :072:
واحد من ربوعنا...كان يشتغل بشركة امريكيه...وكانت عندها سفن...الرجال كان يشتغل بها السفينه...قعد فتره حول اربع سنين...وباحد السفرات...جو على منطفة بالبحر اول مره يمرون عليها...جتهم عاصفه ...او مدري وش جرى عليهم..ما ني موكد وش صار...الزبدة ان السفينه غرقت..ونجى من الغرق بقارب صغير حول الست رجال...قطعوا هالبحر ...بها القارب...ما مر عليهم احد..لا سفينة ولا غيره...قعدوا فتره يمكن اربعة ايام ولا معهم مونه كثيرة...باحد الايام يوم قعدوا الصبح...ولا بس مكان خويٍ لهم...ما يندرى وين راح....والليلة اللي بعده مثل ها الكلام ...الين ما صفت على واحد...ها الواحد هو رفيقنا.
كان معه سكين...وقال لو انا نمت عز الله اني هفيت...راح وجرح نفسه جرح بيده...وخلى يده على طرف القارب يوم حس انه بينام...عشان اذا ارتخت يده من نومه...تنزل للبحر...وتلسعه ملوحه البحر.....ذهين المليعين...اهاااااا.
وهو على هالحال كلما غفى يقعد من الجرح....الين شاف الشي الاسود يقرب منه تحت الماء...
جهز سكينه ...وقعد يتابع..الين ما طلعت عليه ...هكا الحيه اللي تذهل القلب...طب الا هي معه بالقارب..مسكها مع راسها..وهي تلتف حوله تبي تعصره...بغت تنقز عيونه من راسه من نشاطها...لكنه طاح فيها ضرب بالسكين...بالعيون... بالراس..الين ما قالت سلام يا عزرائيل...ذبحها المليعين...يوم انه طاحت بالقارب...قام
وشقها نصين..ولا قطع من خوياه...يالله المستعان...وظل على حاله بها البحر الين ما دقر القارب بشيء
صحى من نومه...الا جزيره....مصدق مكذب...اي والله جزيره...نزل...وتمشى ...ولا هالاشجار...وهالانعام
وخيرات ربي ...وطب بالنعمه...وقعد كم يوم على الحال...وبناه له بيت من هالخشب...وسوى مزيرعه صغنوطه
وباحد الايام...مر على مزرعته...ولا محيوسه..الثمار ماكوله...يوم طالع بالاثار...ولا اثار بشر...بشر...فرح
وخنس بنفس الوقت...يا ولد...خاف يطلعون اوقا بوقا...يطبخوني على قدر...عاد يعيرون عيالي ربعنا...ونصير طنازه....اي والله اللي بصير مضرب مثل...وراح يقولون موتة ابو راكان...ما يهبى الا هم...والله ما اخلي ..نويصر يتطنز على عيالي....لازم اراقب الوضع
نام الظهر عشان يصحى متاخر...صحى حول العشا...وتذرى بشجرة يتلفت...ومعه سكينه يراقب الوضع..وقبل
الفجر بشوي...وعينه على البحر...يوم انه شاف شي يخرش اللي ما ينخرش.
ناس طلعوا من البحر...حول العشرة...عرك عيونه يجوز انه سهران ...لا والله ناس طالعين من البحر
تغيب ورى الشجره...ساكت يراقب...جو على المزرعة وقاموا ياكلون...وهو يراقب...ويوم قربت الشمس تطلع..رجعوا للبحر الا واحد تاخر...نواه اخينا..يوم بغى يرجع هالاخير...ومر من عند الشجرة اللي وراها
ابو راكان...وهو يخطفه وبنفس الوقت كتم على نفسه...عشان ما يصيح ويجمع ربعه عليه...لف وجهه يبي يشوفه
ولا هك البنت المزيونه...كنها سميرة توفيق.. :icon8:
(هيالمليعين يها الشايب اثاريك منت هين...راعي سوالف..امممممممممم ما علينا)
لكن فيه زي الغطا على فمها...الظاهر ان هالشي هو اللي يخليها تعيش بالبحر...الزبدة ان ابو راكان اخذ هالبنت سبيه...وربطها عنده بالبيت...وعطاها المقسموم :6_asmilies-com:
هو عارف انه لو تركها بتمشي وتتركه...عشان كذا ربطها...الين ما تجيب منه ولد او بنت...تتعلق فيهم...حصل وجابت منه توأم...وقال لها لو تبين تروحين تسيرين على اهلك الصبح وترجعين لي بالليل ما عندي مشكله..قالت خلاص..وصار بينهم اتفاق...الا ان الحرمة...مثل كل الحريم ما تنعطى وجه..استحلتها ..وصارت كل يوم تروح لاهلها..واحيانا تمرح (تنام عند اهلها)...الرجال صارت ما تخارج عنده..تطقه الحفه احيان..ومهي موجوده..نوى بها نيه..يوم جت من اهلها..قال شوفي يا بنت الناس...انا هالوضع ما ينفع معي..كل يوم رايحه لاهلك...وتاركتني انا والعيال نطير ذبان ...ما يصير
قالت : والله هذا وضعي ...عاجبك والا طلقني... :047:
هو نوى يطلق...بس يا ولد ...سميره توفيق ...حرام والله
لكن تذكر وش كان ناوي عليه...همن قال لا والله انا اللي عندي حل احسن
جرها عليه..وسحب الغطا اللي على فمها..بقوة...الين قطعه..يوم انها صاحت صيحة..بغى ينحاش منها
وبكذا صارت ما تقدر تعيش بالماء...وقامت تصارخ وتبكي الين ما بقى فيها دموع ...وسملت بالامر الواقع
عاشوا فتره مع بعض ...لين مرت سفينه على الجزيرة شالتهم معها...وهذا هو الرجال عايش بالرياض. بحي السويدي..وحرمته وعياله منها...معه
الله اكبر ....الله اكبر
يالله اذن المغرب من رخصتكم
هلا ...هلا والله خالي حياك الله....سير لا تقاطع...طبعا ليتكم تشوفون حواجب الربع
مسويه علامات تعجب:57:
لمن قال ابو فيصل...امممممممممم
هذا خالنا...وهذي قسمة الله لنا :cool: