المساعد الشخصي الرقمي

مشاهدة النسخة كاملة : عقد الالماس..!!

سعود المطيري
02-24-2008, 02:12 AM
سَمّي مهر قلبك ياطهْر الازاهير=ماعاد يغريني سوى روح الاحساس
موجة عذابك برمجتني تعابير=وصوت القلم غطّى على كل الانفاس
راعي حروفي غير..وتكون لك غير=امعادله سهله وتصعب على الناس
صارحت وقتي والزمن جاحد الخير=مابه وطن يعطى ويكبر به الراس
الاّ وطن "معزوف" في نظرة الطير=له عامٍ يحوم بمزاياه قرناس
ليته ينول الطير كل التباشير=ويعانق الفرحه عقب ذيك الاتعاس
حاولت ابيّن فالهوى سكرة الزير=والظاهر اني جايبٍ "عقد الالماس"



سايح بدنياه


تحاياي
تركـي الوبيري
02-24-2008, 08:24 AM
صح لسانك يا سايح

بسو ولا هو امر عليك تشرح لي هالبيت

حاولت ابيّن فالهوى سكـرة الزيـر
والظاهر اني جايبٍ "عقد الالمـاس

شلون ربطت الصدر بالعجز (الفكرة )
سعود المطيري
02-24-2008, 11:54 AM
صح لسانك يا سايح

بسو ولا هو امر عليك تشرح لي هالبيت

حاولت ابيّن فالهوى سكـرة الزيـر
والظاهر اني جايبٍ "عقد الالمـاس

شلون ربطت الصدر بالعجز (الفكرة )

الفكره ياكحيلان

اربط البيت الاول بالبيت الاخير

واجواء داخل القصيده لاترى بالعين المجرده

دمت بود ياوسام وشرفني حضورك:rose:
بحر الشوق
02-24-2008, 03:05 PM
صح لسانك يا المتألق ولا هنت :rose:
نور
02-24-2008, 09:40 PM
اتعبت حالك ماقضيت المشاوير.....الله يجيب اللى لها عقد الالماس
سعود المطيري
02-24-2008, 10:04 PM
ماتستوي مجهم بلون المغاتير=الله خلق الوان في كل الاجناس!!
نور
02-24-2008, 10:13 PM
ياصاحبي حب الغلا بالمعايير.....ابنه على مهلك وعده على ساس
سعود المطيري
02-24-2008, 10:19 PM
الموت له حزه يجي وقت ويصير=مايمنعه يابنت حارس وحرّاس!!
نور
02-24-2008, 10:32 PM
لاعشت ياسايح تذوق المقادير......ثم بعدها تشرب من المر بالكاس
سعود المطيري
02-24-2008, 10:40 PM
عشت الحياه آهات في كل تصوير=وهذاي انا اصور معاناة عساس!!
نور
02-24-2008, 10:50 PM
ماتنفع اهل الطيش بعض المحاذير.....يغير اثيابه ويمشي مع انجاس
سعود المطيري
02-24-2008, 11:02 PM
وش ينفع الاقراب حبٍ بتبذير=دام الحياه دروس من دون قرطاس!!
نور
02-24-2008, 11:20 PM
رفقا بنا يازين طبع القوارير......نجرح بطرف العين ونقول لاباس
سعود المطيري
02-24-2008, 11:28 PM
المعذره يابنت قدرك ماهو اصغير=قدرك يوازي من كتبلك من الناس !!
نور
02-24-2008, 11:47 PM
ماكل قلب ن ينشرى بالمعاذير.....ماهقوتي ترضى علينا بالافلاس
سعود المطيري
02-24-2008, 11:52 PM
المفلس اللي فاقدٍ كل تقدير= غطى عيوبه بين ساره وريماس!!
نور
02-25-2008, 12:01 AM
ياسايح ن في قلوب كل الغنادير........سلمت له ياروح روحه والاحساس...............................
تصبح على خير
م ـــالـــك أ م ـــــل
02-25-2008, 07:54 PM
صح لسانك ......
نايف الوبيري
02-25-2008, 08:53 PM
عودتنا على الاجمل
اصهرالقصيده وصيغها من جديد
احبك
سعود المطيري
02-25-2008, 09:01 PM
بحر الشوق ورفيع الشان شكراًً لمروركم الجميل
سعود المطيري
02-25-2008, 09:05 PM
عودتنا على الاجمل
اصهرالقصيده وصيغها من جديد
احبك


استاذي القدير نايف الوبيري

ربما عدوى القصائد الكيبورديه انتقلت اليّ

لكن دون جدوى لم ترتقي لذائقتك!!

لكن سأتوقف برهةً من الزمن واعتبرها

وقفة محارب!!

فانتظر التلميذ أيها الأستاذ

لك جل التحايا من القلب
سعود المطيري
03-17-2008, 03:42 PM
كنت هنا من أجل عقد الالماس!!
حُـــلم
03-18-2008, 11:08 AM
صح لسانك ولا هنت أخوي

متميز جدا هذا النص

ودي