الـــر علــــى تســــاؤلات "ســايح بدنياه"

[موته على ايدي]

0

0

0

أنا نجمٍ سطع نوره من عالي سماه
وإن نزلت الأرض قالوا ذي مــلاك

جوهــرة مصنونةٍ يبــرق سنـاه
لو نظرها الممتنع جـاه الهــلاك

بس ربـي غـلّـف الحسـن بعبـاه
يـــا درر مكنـونـةٍ الله حـــمــاك

(موته على ايدي) ياسايح تـراه
لاهوعشق ولاجنون ولا انتـهاك

للـوفـاء للصدق هي مركب نجــاة
(موته على ايدي)ياقلب إن دعاك

بالهـوى لـعـّـاب ولبـّـيت لــ دعـاه
حالفه يــاطـهـر ما عـكـر صفـــاك

شامخة بالعز ولا اضعف في هواه
سائلـة يــارب عفـوك في رضــاك

هـو(لــقب) لكــنــه مخبــي وراه
فلسفة لــ بنت تسـكن في حشـاك

(( لا بد وان كل فتاة محتشمة متمسكة بدينها وتقالديها .. تسكن في قلب كل فارس شهم))


" موته على ايدي "

[*أهداب*]

بيض الله وجهك ..وسلمتي

[سمر بنت صالح]

رائعة وأكثر دمتي شامخة وحفظكِ الله من كل سوء ..

[هزآآع]

والله وسبع أنعام يابنت الرماه
أهل الكرم في ليل يوحي بالهلاك
اهم السفينه باأمواج مافيها نجاه
واهم الملاذ وان ضامك الوقت وبلاك
عند الشدايد لارست ماعنهم غناه
وافيين في كل المواقف والاملاك


صح لسانك وعسى الله يحفظك ويستر عليك استمري على خطاك والله يوفقك يابنت الطنايا

هذا رد بسيط على عجاله ..ويعطيك العافيه مره ثانيه ..

انتظر جديدك ..

الحاضر .. الغائب

برووكين

[تركـي الوبيري]

صح لسانك ياغالية ,,, وعسى بهالقصيدة شي يبرد شفاية سايح

ولا يزعل سايح:25:

[موته على ايدي]

مشكــــورين أخـــواني على حضوركم المشرف
اسعدتوني بردودكم .. لا هـــانكم ربي ولا عدمتكم .. وصحت أبدانكم


أخوي بروكين : مشكور على الرد وما عليك زود ونعم يالقحطاني

وعسى بهالقصيدة شي يبرد شفاية سايح
ولا يزعل سايح

سايح يمووون وهو أخوعزيز وغالي

دااااام عزكم الجميع ولا خليت منكم 0

[العـمـــدة]

صـــح لــسانـــك


وعلا شــأنــك


بيض الله وجهك

[اخو هدلا]

صح لسانك موته على يدي

ويعطيكي العافيه على الأبيات الجميله

والى الأمــــــــــــــام وانا معك

تحياااااتي

[موته على ايدي]

العمــــدة .. أخو هدلاء

صــح الله أبــدانكم

مشكــــورين .. لا خلا ولا عدم

[نايف الوبيري]

أنا نجمٍ سطع نوره من عالي سماه
وإن نزلت الأرض قالوا ذي مــلاك



اشهد انك نجم يا محلا ضياه

ولا نزلتي هيبتك هيبة ملاك

اشهد انك تشبهينه في حلاه

واشهد انه ينبهت لامن لقاك

واشهد انك يابعد حيي فتاه

العقل والثقل زود في حلاك





بس ربـي غـلّـف الحسـن بعبـاه
يـــا درر مكنـونـةٍ الله حـــمــاك


وعبايه قليله في حقك مثلك جوهره لازم يحطونها بخزينة البنك الاهلي

ويابخت من كنتي رصيده

لعن ابو حييك لما قريت قصيدتك ميلت العقال وحسيت بعنفوان

لا عدمت امثالك

[أنا و بس]

ماشاء الله

ابدعت هنا يااحلى موته



شكرا لك وسلمت00

[موته على ايدي]

أنا نجمٍ سطع نوره من عالي سماه
وإن نزلت الأرض قالوا ذي مــلاك



اشهد انك نجم يا محلا ضياه

ولا نزلتي هيبتك هيبة ملاك

اشهد انك تشبهينه في حلاه

واشهد انه ينبهت لامن لقاك

واشهد انك يابعد حيي فتاه

العقل والثقل زود في حلاك

صـــح لســــانك وأعتـــــلا شـــانك
ماااااااا قصرت شاعرنا ..



بس ربـي غـلّـف الحسـن بعبـاه
يـــا درر مكنـونـةٍ الله حـــمــاك


وعبايه قليله في حقك مثلك جوهره لازم يحطونها بخزينة البنك الاهلي

ويابخت من كنتي رصيده

لعن ابو حييك لما قريت قصيدتك ميلت العقال وحسيت بعنفوان

لا عدمت امثالك

هههه :072:

مشكور على حضورك الجميل 0

[موته على ايدي]

ماشاء الله

ابدعت هنا يااحلى موته



شكرا لك وسلمت00

تسلمين لي حبيبة قلبي ..
اسعدتيني بطلتك

لاااااااعدمتكِ 0